Xəzərin Türkmənistan sektorunda cəsədi tapılmış neftçinin kimliyinin müəyyənləşdirilməsi üçün DNT analizi götürülüb
Xəbər verdiyimiz kimi, yanvarın 29-da Xəzər dənizinin Türkmənistan sektorunda cəsəd aşkar edilib. Diplomatik kanallarla verilən məlumat əsasında istintaq qrupu və SOCAR-ın əməkdaşları cəsədin tanınması və Azərbaycana gətirilməsi üçün Fövqəladə Hallar Nazirliyinin “BE-200ÇS” amfibiya tipli təyyarəsi ilə Türkmənistana yola düşüb.
“SOCAR Petroleum” QSC AZƏRTAC-a istinadən bildirir ki, artıq Bakıya gətirilən cəsədin kimliyinin müəyyənləşdirilməsi üçün DNT analizi götürülüb. Cəsədin şəxsiyyəti məlum olduqdan sonra dəfn mərasimi təşkil ediləcək.
Dekabrın 4-də təbii fəlakət nəticəsində “Neft Daşları”ndakı 501 və “Günəşli” yatağındakı 10 nömrəli dəniz özüllərində baş vermiş qəzalar nəticəsində itkin düşmüş neftçilərin axtarışı davam etdirilir.
