Yanacaq kartı barədə məlumat
“SOCAR PETROLEUM” QSC Azərbaycanda fəaliyyət göstərən hüquqi şəxslərə, hüquqi şəxs yaratmadan sahibkarlıq fəaliyyətilə məşğul olan fiziki şəxslərə, eləcə də fərdi müştərilərə müvafiq alqı-satqı müqaviləsi bağlanılmaqla avtomobil yanacaqlarının kart vəsaiti ilə satışını həyata keçirir.
– “SOCAR PETROLEUM” QSC-nin xidmətlərindən istifadə etməyiniz üçün, müvafiq alqı-satqı müqaviləsi bağlanılmasına dair Cəmiyyətin baş direktoru Toğrul Seyidovun ünvanına Sizin şirkətin rəhbərliyi tərəfindən rəsmi müraciət təqdim olunmalı;
– Rəsmi müraciət əsasında müvafiq alqı-satqı müqaviləsi hazırlanaraq ikitərəfli təsdiq olunmalı;
– Sifarişiniz əsasında plastik kartların və tələbatınıza uyğun yanacağın dəyərinin ödənilməsi üçün hesab-faktura təqdim olunur;
– Ödənilən vəsait “SOCAR PETROLEUM” QSC-nin hesablaşma hesabına daxil olduqdan sonra sifarişinizə uyğun yanacaq kartları hazırlanır;
– Plastik kartlar yalnız Şirkətinizin təsdiq olunmuş vəkalətnamə və ya etibarnaməsinə əsasən müəyyən olunmuş məsul şəxsə qaimə-faktura əsasında təhvil verilir;
– Kartlarla yanaşı, “SOCAR PETROLEUM” QSC-yə məxsus saytda Şirkətiniz üçün açılmış “Şəxsi kabinet”dən istifadə etmək üçün istifadə təlimatı, “istifadəçi adı” və “porol” təqdim olunur;
- Kart vəsaitilə yanacaqdan istifadə, yalnız əvvəlcədən ödəniş olunduqdan sonra mümkündür.
- Yanacaq kartları müştərinin sifarişi əsasında 2 növdə hazırlanır.
- Rəsmi müraciətdə qeyd olunan avtomaşının dövlət nömrə nişanı kartın daxili yaddaşına qeyd olunur ki, bu kartdan yalnız həmin avtomaşinın yanacaqdan istifadəsi mümkündür.
- Rəsmi müraciətdə “nömrəsiz” kart tələb olunarsa, kartın daxili yaddaşı boş saxlanılır ki, bu kartdan istənilən avtomaşının yanacaqdan istifadəsi mümkündür.
- “SOCAR PETROLEUM” QSC-yə məxsus saytda Şirkətiniz üçün açılmış “Şəxsi kabinet”dən istifadə etməklə aşağıdakılar mümkündür:
- Kartlara onlayn pul yüklənməsi;
- Kartların hərəkətinə nəzarət;
- Kartlara limit və məhdudiyyətlərin qoyulması;
- İstənilən dövr üçün hesabatların əldə olunması.
- Plastik kartların daxili yaddaşında avtomaşının dövlət nömrə nişanı müştərinin rəsmi müraciəti əsasında “SOCAR PETROLEUM” QSC tərəfindən dəyişilə bilər.
- Plastik kart 1 ədəd 11,80 AZN (ƏDV ilə birlikdə)
- Super A-98 1 litr 1,07 AZN (ƏDV ilə birlikdə)
- Benzin A-92 1 litr 0,70 AZN (ƏDV ilə birlikdə)
- Premium 1 litr 0,95 AZN (ƏDV ilə birlikdə)
- Dizel yanacağı 1 litr 0,60 AZN (ƏDV ilə birlikdə)
- LPG (Maye qaz) 1 litr 0,40 AZN (ƏDV ilə birlikdə)
Qeyd: Neft məhsulları “Qiymətləri (tarifləri) dövlət tərəfindən tənzimlənən malların (işlərin, xidmətlərin) siyahısına daxil edildiyindən yanacaqların qiymətləri Azərbaycan Respublikası Tarif (qiymət) Şurasının 02 yanvar 2015-ci il tarixli, 2 saylı qərarına əsasən qeyd olunmuşdur.